Կառավարում

<h3>Նախագահը</h3> <p><img height="100" align="left" width="100" src="/u_files/image/general_pics/president.jpg" alt="" style="padding: 5px; margin-right: 5px;" /><a href="http://www.president.am/" target="_blank">Հանրապետության Նախագահը</a> պետության գլուխն է: Նախագահը հետեւում է Սահմանադրության պահպանմանը, ապահովում է օրենսդիր, գործադիր եւ դատական իշխանությունների բնականոն գործունեությունը: Նախագահը Հանրապետության անկախության, տարածքային ամբողջականության եւ անվտանգության երշխավորն է:<br /> Հանրապետության նախագահն ընտրվում է Հայաստանի Հանրապետության քաղաքացիների կողմից՝ հինգ տարի ժամկետով:</p> <h3>Օրենսդիր իշխանությունը</h3> <p><img height="100" align="left" width="100" src="/u_files/image/general_pics/parl.jpg" style="padding: 5px; margin-right: 5px;" alt="" />Հայաստանում բարձրագույն օրենսդիր մարմինը միապալատ <a href="http://www.parliament.am/" target="_blank">Ազգային Ժողովն է</a>: Ազգային Ժողովը կազմված է հարյուր երեսունմեկ պատգամավորից (75-ն ընտրվել են մեծամասնական, իսկ 56-ը՝ համամասնական կարգով): Ազգային Ժողովն ընտրվում է համաժողովրդական ընտրությունների միջոցով՝ հինգ տարի ժամկետով: Խորհրդարանական վերջին ընտրությունները տեղի են ունեցել 2007թ. մայիսին:</p> <h3>Գործադիր իշխանությունը</h3> <p><img height="100" align="left" width="100" src="/u_files/image/general_pics/gov.jpg" style="padding: 5px; margin-right: 5px;" alt="" />Գործադիր իշխանությունն իրականացնում է <a href="http://www.gov.am/" target="_blank">ՀՀ կառավարությունը</a>: Կառավարությունը կազմված է վարչապետից եւ նախարարներից: Նախագահը, ԱԺ-ում պատգամավորական խմբակցությունների հետ խորհրդակցությունների հիման վրա, վարչապետ է նշանակում պատգամավորների մեծամասնության վստահությունը վայելող անձին, իսկ եթե դա հնարավոր չէ, ապա առավել թվով պատգամավորների վստահությունը վայելող անձին: Հանրապետության նախագահը վարչապետի առաջարկությամբ նշանակում եւ ազատում է կառավարության անդամներին:</p> <h3>Դատական իշխանությունը</h3> <p><img height="100" align="left" width="100" src="/u_files/image/general_pics/court.jpg" alt="" style="padding: 5px; margin-right: 5px;" />Հայաստանի Հանրապետությունում արդարադատությունն իրականացնում են միայն <a href="http://www.court.am/" target="_blank">դատարանները</a>` Սահմանադրությանը եւ օրենքներին համապատասխան: Հայաստանի Հանրապետությունում գործում են ընդհանուր իրավասության առաջին ատյանի, վերաքննիչ դատարանները եւ վճռաբեկ դատարանը, իսկ օրենքով նախատեսված դեպքերում՝ նաեւ մասնագիտացված դատարաններ: Հայաստանի Հանրապետության բարձրագույն դատական ատյանը, բացի սահմանադրական արդարադատության հարցերից, վճռաբեկ դատարանն է, որը կոչված է ապահովելու օրենքի միատեսակ կիրառությունը: Հայաստանի Հանրապետությունում սահմանադրական արդարադատությունն իրականացնում է սահմանադրական դատարանը։ Դատարանների անկախությունը երաշխավորվում է Սահմանադրությամբ եւ օրենքներով: Սահմանադրությամբ եւ օրենքով սահմանված կարգով ձեւավորվում եւ գործում է արդարադատության խորհուրդը: Հայաստանի Հանրապետության դատախազությունը միասնական համակարգ է, որը ղեկավարում է գլխավոր դատախազը: Դատախազությունը գործում է Սահմանադրությամբ իրեն վերապահված լիազորությունների շրջանակում՝ օրենքի հիման վրա: </p>

button_mfa

button1

button2

button4